Қўлга олинган йигитлар. Polisia.kz сайти фотосурати
Олма-Отадаги блокпостни четлаб ўтмоқчи бўлган учта ўзбекистонлик фуқаро қўлга олинди, деб хабар беради Polisia.kz.
Йигитлар Бурундай микрорайонидаги №3 постни четлаб ўтмоқчи бўлганлар. Аниқланишича, улар Олма-Отага иш ахтариб келишган ва карантиндан бехабар бўлишган. Уларга нисбатан Қозоғистон Маъмурий жавобгарлик кодексининг 476-моддаси («Фавқулодда вазият режимини бузиш») қўланилган ва фуқаролар ҳибсга олинган.
Коронавирус эпидемияси туфайли 22-мартдан бошлаб Олма-Ота ва Нур-Султон шаҳарлари тўлиқ карантинга ёпилган. Шунга қарамасдан полиция ҳар куни режимни бузаётган одамлар ҳақила маълумотлар беради. 24-март куни Олма-Ота шаҳар полицияси блокпостларни четлаб ўтиб шаҳарга кирмоқчи бўлган тўртта одамни қўлга туширган.
27-март куни орган ходимлари ахлат ташийдиган машинага беркиниб шаҳарга кирмоқчи бўлган қозоғистонликни қўлга олишган.
Бугунги кун ҳолатига кўра, Қозоғистонда
CОVID-19 коронавирусига чалинган одамларнинг сони 336 кишига етган, икки нафар одам мазкур инфекциядан вафот этган. 16-мартдан республикада фавқулодда ҳолат режими жорий қилинган.
