Ўзбекистон терма жамоаси. Фаридун Салиев фотосурати
Футбол бўйича Ўзбекистон миллий терма жамоаси аёллар ўртасидаги CAFA чампионатининг финал учрашувида Эрон терма жамоасини 1:0 ҳисобида мағлуб этиб, турнир ғолибига айланди.
Мусобақалар давра тизимида ўтганига қарамай, Эрон ва Ўзбекистон терма жамоалари сўнгги турга максимал очко жамғарган ҳолда яқинлашишди, шу боис жамоаларнинг юзма-юз учрашувини тўлақонли деб ҳисоблаш мумкин.
Учрашув тугашига беш дақиқа қолганида Мафтуна Шоимова ғалаба тўпини киритди.
Эслатиб ўтамиз, Ўзбекистон терма жамоаси турнирда бирорта ҳам гол ўтказиб юбормади ва ўзбекистонлик Нилуфар Қудратова тўртта гол билан мусобақа тўпурари бўлди.
Турнирнинг бронза медаллари учун биттадан очко жамғарган Қирғизистон ва Тожикистон терма жамоалари ўйнади – ҳар икки жамоа Туркманистон билан дуранг ўйнади. Юзма-юз баҳсда қирғизистонлик футболчилар тожикистонлик рақибларини 1:0 ҳисобида мағлубиятга учратиб, кучлироқ бўлишди. Ягона гол учрашувнинг 21 дақиқасида киритилди. Аяна Каратаева ўзини намоён қилди.
Турнирнинг якуний тартиби қуйидагича: Ўзбекистон – 12 очко, Эрон – 9 очко, Қирғизистон – 4 очко, Туркманистон – 2 очко, Тожикистон – 1 очкога эга.
6—21 июль кунлари Душанбе шаҳрида Марказий Осиё мамлакатлари терма жамоалари (CAFA) ўртасида футбол бўйича аёллар чемпионати бўлиб ўтди. Расмий равишда, CAFA чемпионати иккинчи марта бўлиб ўтди. Биринчи чемпионат 2018 йили Тошкент шаҳрида ўтказилган эди. Ўшанда Ўзбекистон терма жамоаси ғолиб бўлганди. Бироқ футбол эксперти Алишер Никимбаев ўзининг «Футболиум» Telegram-каналида ФИФА талабларига зид бўлгани учун бу турнир ёши каттароқ футболчилар иштирокида 23 ёшгача бўлган жамоалар ўртасида ўтказиладиган мусобақа саналганини тушунтирди. Шу тариқа, Душанбедаги жорий турнир расман биринчи CAFA чемпионати ҳисобланади.
