xs.uz сайти фотосурати
Туркманистон Ўзбекистонга дўстона ёрдам сифатида суюлтирилган газ партиясини юборди. Бунга жавобан Тошкент Ашхободга замонавий тез тиббий ёрдам машиналарини жўнатди. Бу ҳақда 7 февраль куни Ўзбекистон президенти матбуот хизмати хабар берди.
Совғалар алмашинуви икки давлат ўртасида дипломатик муносабатлар ўрнатилганининг 30 йиллиги куни бўлиб ўтди. Туркманистон Жиззах автомобиль заводида ишлаб чиқарилган 20 та Volkswagen Caddy тез тиббий ёрдам машинасини олди. Ўзбекистонга етказиб берилаётган газ ҳажми ҳақида маълумот берилмаган.
Ўзбекистон Энергетика вазирлиги ижтимоий тармоқларда пайдо бўлган Тошкент январь ойида газ таъминотидаги узилишлар учун аввалроқ Ашхободдан пул компенсацияси талаб қилгани ҳақидаги хабарларни рад этиб, олинган партия ёқилғига муҳтож хонадонлар ўртасида тақсимланишини маълум қилди.
Ўтган йил декабрь ойида Ўзбекистон ҳукумати бир кунлик импорт ҳажмини 15 миллион куб метрдан 35 миллион куб метргача ошириш ва энергия тақчиллигини қоплаш мақсадида қиш мавсумида Туркманистон билан қўшимча 1,5 миллиард куб метр табиий газ импорт қилиш тўғрисида шартнома имзолаган эди. Бироқ 12 январь куни Туркманистон газининг Ўзбекистонга экспорти «Галканиш» газ конденсати конининг коммуникацияларида гидрат ҳосил бўлиши сабабли тўхтатилган эди. Мутахассисларнинг фикрига кўра, бу қаттиқ совуқларда содир бўлади ва форс-мажор ҳолати ҳисобланади.
