Қирғизистон терма жамоаси футболчилари. the-afc сайти фотосурати
Қирғизистон терма жамоаси Осиё Кубоги гуруҳ босқичи 3-турида Уммон терма жамоаси билан 1:1 ҳисобида дуранг ўйнади ва мусобақадаги иштирокини якунлади.
Қирғизистон ва Уммон терма жамоалари ўз ҳисобида 1 очко билан учинчи босқичга яқинлашди. Плей-офф йўлланмасини қўлга киритиш учун ҳар икки жамоага фақат ғалаба, уммонликларга фақат ўйинда ютиш керак бўлган бўлса, Қирғизистонга икки тўп фарқи билан ғалаба керак эди. Қолаверса, Қирғизистон термаси энг муҳим ўйинда иккита асосий ўйинчисиз қолди – Саудия Арабистонига қарши ўтган ўйинда (0:2) қизил карточка олган Аизар Акматов ва Кими Мерк; жамоа етакчиларидан бири Алимардон Шукуров жароҳатидан фориғ бўлишга улгурмади.
Қирғизистонликлар Уммон билан учрашувни анча шиддатли бошлашди, лекин биринчи бўлиб ўтказиб юборишди. 8-дақиқада бурчак тўпидан сўнг уммонликлар тўпни Эржон Тўкотаев дарвозасига киритишга муваффақ бўлишди. Қирғизистонликлар 80-дақиқадагина рақиб дарвозабони қўпол хатосидан унумли фойдаланган Жоэл Кожо тўпни бўш қолган дарвозага йўллаган ҳолда ҳисобни тенглаштиришга муваффақ бўлди. Бу гол Қирғизистон терма жамоаси учун турнирдаги биринчи ва ягона гол бўлди, бироқ жамоанинг плей-оффга чиқишига ёрдам беролмади, шунингдек Уммон термасига ҳам имкон бермади. Ўйиндан сўнг Уммон терма жамоаси бош мураббийи Бранко Иванкович истеъфога чиқарилди.
Параллел F гуруҳи ўйинида Саудия Арабистони ва Таиланд терма жамоалари 0:0 ҳисобида дуранг ўйнади.
F гуруҳидаги якуний тартиб қуйидагича: Саудия Арабистони – 7 очко, Таиланд – 5 очко, Уммон – 2 очко, Қирғизистон – 1 очко.
Эслатиб ўтамиз, аввалроқ Тожикистон ва Ўзбекистон терма жамоалари 1/8 финалга чиқишганди. 1/8 финалда Тожикистон 28 январь куни БАА билан, 30 январь куни Ўзбекистон Таиланд билан ўйнайди.
Осиё кубоги 12 январдан 10 февралга қадар Қатарда бўлиб ўтади. Мусобақа тарихида Осиё Кубоги 24 та жамоа иштирокида кенгайтирилган таркибда ўтказилмоқда. Улар 6 та гуруҳга бўлинган, уларнинг ҳар бирида 4 тадан жамоа бор. Ҳар бир гуруҳдан иккита энг яхши жамоа 1/8 плей-офф босқичига йўл олиши кафолатланади ва энг яхши натижа билан ўз гуруҳларида учинчи ўринни эгаллаган олтита жамоадан тўрттаси ҳам плей-офф босқичига йўл олади. Учинчи ўрин учун кураш белгиланмаган.
