Бекназ Алмазбеков ва Хусрав Тоиров. "Фарғона" коллажи
Украина чемпионатида тўп сураётган Қирғизистон миллий терма жамоаси аъзоси Бекназ Алмазбеков ва Тожикистон терма жамоаси футболчиси Хусрав Тоиров жорий йилнинг март ойида бўлиб ўтадиган ўйинлар учун терма жамоалар аризаларига киритилмаган.
Қирғизистон терма жамоаси мураббийи Максим Лисициннинг сўзларига кўра, аризага Львовнинг «Рух» клуби 19 ёшли ҳужумчиси Алмазбеков киритилган, бироқ футболчининг ўзи Ўзбекистон (20 март) ва Қатар (25 март) билан бўладиган жаҳон чемпионати саралаш ўйинларига чақирилмасликларини сўраган.
«Бекназ яқинда «Рух» билан шартнома имзолади. Футболчининг ҳужжатларида муаммолар бор. Агар у Украинани тарк этса, у ерга номаълум муддатга қайтиб кела олмаслик хавфи бор. Клуб бундай истиқболдан мамнун эмас. Шу боис Бекназ унга қўнғироқ қилмасликни сўради ва у бу вақтини янги жамоага мослашишга бағишлайди. Биз футболчини тушунишга ҳаракат қилдик», — деб тушунтирди Лисицин.
Мураббий Бекназни ФИФА қоидалари доирасида терма жамоа ўйинларига келишини талаб қилиши мумкинлигини таъкидлаган, бироқ мураббийлар штаби айни пайтда Украинада логистика бузилгани, Алмазбековнинг Бишкекка келишига бир неча кун кетиши ва терма жамоага Ўзбекистон билан ўйиндан бир кун олдин етиб кела олишини ҳам ҳисобга олишган. Бундай вазиятда футболчига суяниш бефойда бўларди.
Қайд этиш жоиз, Бекназ Алмазбеков ўзи билан бир хил чап қанот ҳимоячиси позициясида тўп сураётган миллий терма жамоа етакчиси Гулжигит Алиқулов соғлом бўлса, асосий таркибда камдан-кам майдонга тушади. Алиқулов айни дамда яхши формада, яқинда Москванинг «Торпедо» клуби билан шартнома имзолаган, шу боис у Қирғизистон терма жамоасининг асосий таркибида ўйнайди.
Одессанинг «Чорноморец» жамоасидаги 20 ёшли ҳужумчи Хусрав Тоиров Тожикистон терма жамоаси бош мураббийи Гела Шекиладзенинг Беларусь билан ўртоқлик ўйини (20 март) ва Осиё Кубоги саралаши доирасидаги Шарқий Тиморга (25 март) қарши ўйин учун аризасига киритилмаган. «Фарғона» маълумотига кўра, яқинда янги жамоага ўтган футболчини Украинадан Душанбега қадар бўлган мураккаб логистика туфайли безовта қилишмаган. Хусрав Беларусь билан ўйинга зўрға етиб келган бўларди, Шарқий Тимор эса қийин рақиб эмас.
Хусрав Тоиров ҳозирча Тожикистон терма жамоасида расмий ўйинларда майдонга тушмаган ва асосий таркиб футболчиси эмас. Бироқ, ҳуқуқлари Донецкнинг «Шахтёр» клубига тегишли бўлган ёш ҳужумчи иқтидорли футболчи саналади ва катта умид уйғотади.
ℹ️ Футбол бўйича Украина чемпионати мамлакат ҳудудида бўлаётган ҳарбий ҳаракатларга қарамай бўлиб ўтмоқда. Турнирда 16 та жамоа, жумладан, Россия қўшинлари назорати остидаги Донецк ва Луганск клублари иштирок этмоқда. Бу жамоалар уй учрашувларини мос равишда Львов ва Киевда ўтказишади.
