Шавкат Мирзиёев ва Антониу Кошта. Ўзбекистон президенти матбуот хизмати фотосурати
Ўзбекистон Республикаси Президенти Шавкат Мирзиёев Европа кенгаши Президенти Антониу Кошта билан норасмий учрашув ўтказди, деб хабар беради Мирзиёев матбуот хизмати.
Сиёсатчилар 2 апрель оқшомида музокара ўтказдилар. Маълум бўлишича, Европа Иттифоқининг олий вакили «Марказий Осиё – Европа Иттифоқи» саммитида иштирок этиш учун Ўзбекистонга келган. Меҳмон қадимий Бухорони зиёрат қилган ва у ерда ўзбек халқининг маданий-тарихий мероси билан яқиндан танишган.
«Учрашувда икки томонлама ва минтақавий аҳамиятга молик долзарб масалалар юзасидан фикр алмашилди. Бўлажак саммитга тайёргарлик масалалари атрофлича кўриб чиқилди», — дейилади Мирзиёев матбуот хизмати хабарида.
4 апрель куни «Марказий Осиё-Европа Иттифоқи» саммитининг асосий тадбирлари бўлиб ўтиши режалаштирилган. Унжа иштирокчилар кенг кўламли масалаларни муҳокама қиладилар:
✅ кўп томонлама ҳамкорликни мустаҳкамлаш;
✅ умумий хавфсизлик таҳдидларига қарши курашиш;
✅ иқтисодий, савдо ва сармоявий алоқаларни кенгайтириш;
✅ Global Gateway ташаббуси доирасида энергия, иқлим-нейтрал иқтисодиёти, узаробоғликлик ва «яшил» энергетикага ўтиш;
✅ шахслараро алоқаларни ривожлантириш ва ҳаракатчанлик.
Саммит якунлари бўйича Марказий Осиё республикалари ва Европа Иттифоқи раҳбарларининг қўшма баёноти қабул қилиниши режалаштирилган.
ℹ️ 3-4 апрель кунлари Самарқандда «Марказий Осиё-Европа Иттифоқи» нинг биринчи саммити бўлиб ўтади. Тадбирда Европа кенгаши президенти Антониу Коста, Европа комиссияси президенти Урсула фон дер Ляйен, Ўзбекистон президенти Шавкат Мирзиёев, Қозоғистон президенти Қосим-Жомарт Тўқаев, Қирғизистон президенти Садир Жапаров, Тожикистон ппрезиденти Эмомали Раҳмон ва Туркманистон президенти Сердар Бердимуҳамедов иштирок этади.
«Келажакга сармоя киритиш» шиори остида ўтказилаётган саммитда Европа тикланиш ва тараққиёт банки ва Европа инвестиция банки раҳбарлари ҳам иштирок этиши кутилмоқда. Мулоқотда минтақа давлатлари ва ЕИ ўртасидаги кўп қиррали муносабатлар ва амалий ҳамкорликни ривожлантириш истиқболлари кўриб чиқилади.
