Жованни Константино. Амил Шукалонинг ижтимоий тармоқдаги фотосурати
Италиялик мутахассис Жованни Костантино Қирғизистон Премер-лигасининг «Бишкек Сити» клубини бошқаради. Бу ҳақда қирғизистонлик журналист Тенгелбес Мусаев хабар берди.
Константинонинг Қирғизистон чемпионати клубларидан бирига ўтиши ҳақида аввалига босниялик агент Амил Шукало маълум қилган, у сўнгги пайтларда маҳаллий жамоалар билан яқиндан ҳамкорлик қилиб, Қирғизистонга мураббий ва футболчиларни олиб келган. Кейинроқ Мусаев гап яқинда жамоанинг ёмон натижалари учун бразилиялик Мави Лопес ишдан бўшатилган янги клуб «Бишкек Сити» ҳақида гапираётганига аниқлик киритди: 11 турдан кейин «Бишкек Сити» 7 очко билан турнир жадвалида иккинчи ўринда бормоқда.
Константино Қирғизистон чемпионатида Италиядан келган биринчи бош мураббий бўлади.
Эслатиб ўтамиз, Шукало аввалроқ «Абдиш-Ата»га бирданига иккита мураббий олиб келган эди. Жорий йил бошида жамоани черногориялик мутахассис Владимир Вуйович бошқарган, бироқ чемпионат бошланишидан аввал у Шукало рафиқаси билан бўлган можаро туфайли истеъфога чиққан, Вуйовичнинг сўзларига кўра, аёл унинг ишларига халақит берган. Черногориялик ўрнига Шукалонинг яна бир мижози серб Иван Куртушич келган. Аммо у Кантда ҳам узоқ қолмаган. 7 раунддан сўнг Куртушич Словениянинг «Мура» клубидан таклиф олади, рози бўлади ва кетади, чунки шартномада бир томонлама бекор қилиш банди бор эди. Натижада «Абдиш-Ата»ни қирғизистонлик мутахассис Мирлан Эшенов бошқармоқда.
«Абдиш-Ата» ва «Дордой» бош мураббийлардан ташқари Шукалонинг 13 нафар легионер мижози ўйнамоқда. Шунигдек, Босния агентлигига алоқадор икки нафар хорижлик ёрдамчи мураббий «Абдиш-Ата»да фаолият юритмоқда. Афтидан, кейинги трансфер ойнасида «Бишкек-Сити»га ҳам Амил Шукало тавсия қилган футболчилар келиб қўшилади чоғи.
Жованни Константино мураббийлик фаолиятини Венгрия ва Словакия клубларида, шунингдек, Венгрия терма жамоасида Марко Россининг ёрдамчиси сифатида бошлаган. Венгрия МТК, шунингдек, Руминия ва Кипрнинг иккинчи дивизион клубларида мустақил ишлаган. 2025 йил январида мутахассис Молдованинг «Петрокуб» клубини бошқарган, бироқ икки ҳафта ўтиб, «оила саломатлиги муаммолари туфайли» истеъфога чиққан.
