rg.ru сайти фотосурати
Андижон вилоятида Россия томонидан Украинага қарши эълон қилинган махсус ҳарбий операцияда (МҲО) иштирок этган шахс судланди. Жиноят ишлари бўйича Избоскан туман суди уни июнь ойи бошида уч йилу бир ойга озодликдан маҳрум қилди, деб ёзади Repost.
Иш материалларига кўра, 40 ёшли Х. Х. 2019 йили Саратовга пул ишлаш учун келган. 2024 йил июнь ойида у Россия Мудофаа вазирлиги билан шартнома имзолаган ва ҳарбий тайёргарликдан ўтган. Ўша йилнинг июль-август ойларида Луганск вилояти ва Волчанск шаҳридаги жанговар ҳаракатларда қатнашиб, ярадор бўлган. Россия ҳарбий госпиталларида даволангач, Х. Х. давлат чегарасини ноқонуний кесиб ўтиб, Ўзбекистонга қайтган.
Суд мажлисида эркак ўз айбига иқрор бўлган ва Ўзбекистон фуқаролигидан чиқмасдан Россия паспортини олганини таъкидлаб, тавба қилган.
Суд H.X.ни Жиноят кодексининг 154-моддаси 1-қисми («Ёшланиш»), 154-1-моддаси 1-қисми («Чет давлатда ҳарбий хизматга ёлланиш») ва 223-моддаси 1-қисми («Қонунга хилоф равишда чет элга чиқиш ёки Ўзбекистон Республикасига кириш») билан айбдор деб топди. Андижонлик жазони умумий режимдаги колонияда ўтайди.
Бундан олдин яна бир андижонлик ҳамюртларини МҲОга жалб қилгани учун етти йилу бир ойга озодликдан маҳрум этилган эди.
ℹ️ Ўзбекистон ҳукумати, шунингдек, мамлакат мусулмонлари идораси ватандошларни Россия ва Украина ўртасидаги қуролли можарода қатнашмасликдан бир неча бор огоҳлантирган. Сўнгги пайтларда ўндан ортиқ ўзбекистонлик фуқаролар «Ёлланиш» моддаси бўйича озодликдан маҳрум қилиш ёки озодликни чеклаш жазосига ҳукм қилинди. Сўнгги пайтларда интернетда Сенат раҳбари Танзила Нарбоева гўёки Ўзбекистоннинг МҲОдаги иштироки қонунийлигини эълон қилгани ҳақида хабарлар тарқалди. Бироқ, Сенат бу хабарларни фейк деб атади ва бундай хабарни яратувчиларга ёлғон маълумот тарқатганлик учун жавобгарлик билан таҳдид қилди.
