Иссиқкўлдаги пляж. e-cis.info сайти фотосурати
Жорий йилнинг январь-июнь ойларида 3,5 млн ўзбекистонлик туристик мақсадларда чет элга саёҳат қилган, бу 2024 йилнинг биринчи ярмидаги кўрсаткичдан 29,7 фоизга кўпдир. Бундан ташқари, ўтган йилдаги каби сайёҳларнинг кўпчилиги қўшни Қирғизистонни танлашган, деб хабар беради Ўзбекистон Миллий статистика қўмитаси.
Ҳисобот даврида Қирғизистонга Ўзбекистондан 1,5 миллиондан ортиқ сайёҳ ташриф буюрган. Биринчи учликка Марказий Осиёдаги бошқа қўшни давлатлар ҳам киради: мос равишда 664 минг ва 631 минг сайёҳ билан Қозоғистон ва Тожикистон.
Кейинги ўринда 230 мингдан ортиқ ўзбекистонлик танлаган Россия жойлашган. Рўйхатда Россия Федерациясидан сўнг Саудия Арабистони ўрин олган – 145 минг киши. Қайд этиш жоиз, мазкур мамлакатга сайёҳлар оқимининг кўпчилишини анъанавий тарзда Макка ва Мадинадага зиёратга борганлар ташкил қилади.
Биринчи ўнталикка, шунингдек, қуйидаги давлатлат киради:
✅ Туркия;
✅ БАА;
✅ Миср;
✅ Таиланд;
✅ Вьетнам.
Худди шундай манзара ўтган йил январь-июнь ойларида ҳам кузатилган эди. 2,7 миллион ўзбекистонлик сайёҳлик мақсадида хорижга саёҳат қилган. Уларнинг деярли ярми Қирғизистонга кетган. Оммабоп йўналишлар рўйхати бир хил бўлган, биринчи ўнталикдан Қувайт ва Жанубий Корея ўрин олган.
Ўзбекистон статистика агентлиги маълумотларига кўра, жорий йилнинг биринчи ярмида республикага 5,3 миллион хорижий сайёҳ келган. 2024 йилнинг шу даврига нисбатан бу кўрсаткич 1,5 баробарга ошган. Бу ерда қўшни республикалар фуқаролари ҳам етакчилик қилади: Қирғизистон, Тожикистон ва Қозоғистон.
Яна шуни қўшимча қиламизки, Ўзбекистонда бўлгани каби Қирғизистонда ҳам туризм фаол ривожланиб, миллий иқтисодиётнинг драйверларидан бирига айланиб бормоқда. Буни фискал органларнинг ҳисоботлари ҳам тасдиқлайди, унга кўра, 2020-2024 йилларда туризм корхоналаридан солиқ тушумлари олти баравардан ортиқ бўлган ва бу вақт ичида Қирғизистон бюджетини 1,1 миллиард сомга (12,5 миллион доллар) тўлдирган.
