Кема учирилганидан кейинги старт майдончаси. Видеодан кадр
«Роскосмос» бош директори ўринбосари Дмитрий Баранов 27 ноябрь куни Байконурдан «Союз-2.1а» ракетаси учирилгандан сўнг, учириш майдончасига етказилган шикастдан сўнг фазогирларни учириш дастури тўхтатилгани ҳақидаги хабарларни рад этди, деб хабар беради ТАСС.
Баранов бу масалада миш-мишларга чек қўйишга чақирди. Унинг таъкидлашича, 31-майдончадаги хизмат кўрсатиш кабинасини алмаштириш учун эҳтиёт қисмлар ва ускуналар аллақачон Байконур космодромига етказиб берилган. Ҳозирда грунтлаш ва бўяш ишлари олиб борилмоқда. «Роскосмос» корхонасининг 130 нафар ходими икки сменада ишламоқда. Иш 2026 йил қиш охиригача якунланиши кутилмоқда.
Ракетага парвоз олдидан хизмат кўрсатувчи кабина 27 ноябрь куни космонавтлар Сергей Кудь-Сверчков ва Сергей Микаев, шунингдек, NASA астронавти Кристофер Уилльямсдан иборат «Союза-2.1А» космик кемаси парвози пайтида шикастланган эди. Уч соатлик парвоздан сўнг, космик кема Халқаро космик станцияга муваффақиятли уланган. У орбитада 242 кун бўлади.
31-майдончаси ҳозирда «Союз» кемаларини самога учирилишини таъминлайдиган ягона майдонча ҳисобланади. Байконурдаги илгари фаолият юритган «Гагарин старти» учириш майдончаси тўхтатилган ва Қозоғистонга берилган, бу ерда музей мажмуасини яратиш ишлари амалга оширилмоқда.
Россия Байконур космодроми ва шу номдаги шаҳарни Қозоғистондан ижарага олади. Ижара шартномаси яқинда 2050-йилга қадар узайтирилди, ижара нархи йилига 115 миллион долларни ташкил этади.
