Ислом Чесноков. «Хартс» ФК матбуот хизмати фотосурати
Қозоғистон терма жамоаси ўйинчиси Ислом Чесноков Шотландиянинг «Хартс» клуби билан шартнома имзолади. Бу ҳақда жамоанинг расмий сайтида хабар берилди.
Чесноков шартномаси 2028 йилгача амал қилади. У 99 рақами остида ўйнайди.
Қозоғистонлик футболчи «Хартс»га Костанайнинг «Тобол» клубидан бориб қўшилди. 26 ёшли футболчи ўтган ёзда Шотландияга ўтиши мумкин эди, аммо трансфер расмийлаштиришга улгурмади. Натижада ушбу трансфер қишгача қолдирилди ва қозоғистонлик футболчи «Хартс»га эркин агент сифатида қўшилди.
Чесноков Шотландия Премьершипида (олий лига) ўйнайдиган биринчи қозоғистонлик футболчи ва Марказий Осиё мамлакатларидан биринчи ўйинчи бўлди.
«Хартс» 20 та ўйиндан сўнг лигада етакчилик қилмоқда ва олтин медални, УЕФА Чемпионлар лигаси йўлланмасини қўлга киритишга интилмоқда.
Ислом Чесноков Уст-Каменогорскдаги «Олтой» футбол академияси тарбияланувчиси. 2021 йили у Беларуснинг «Белшина» клубига ўтди. 2023 йилдан бери у «Тобол» сафида ўйнаб келмоқда ва 92 та ўйинда майдонга тушиб, 30 та гол урган ва 17 та голли узатмани амалга оширган. У Қозоғистон терма жамоаси сафида 20 та ўйинда майдонга тушиб, иккита гол урган.
