РФИ биноси. metaratings.ru сайти фотосурати
Россия футбол иттифоқи (РФИ) УEФАдан чиқиш ва Осиё Футбол Конфедерацияси (ОФК) ҳомийлигида ҳаракат қилиш ниятида. Бу ҳақда футбол менежери ва спорт эксперти Алишер Никимбаев ўзининг «Футболиум» Телеграм каналида хабар берди.
«РФИ раҳбарияти шу йилнинг бошида ОФКга кўчиб ўтмоқчи», — деб ёзади Никимбаев, Баҳрайндаги ОФК вакиллари ҳам иштирок этган 33-конгресс доирасидаги суҳбатларга ишора қиларкан.
Мутахассиснинг фикрича, РФИни қабул қилиш бўйича овоз беришда ОФК аъзолари учун мотивация бир ёки бир нечта Россия компанияларининг йирик ҳомийлик шартномалари бўлиши мумкин.
Россия терма жамоасини 2023 йил ноябрь ойида бошланадиган 2-босқичдан ЖЧ—2026 саралаш турнирига киритиш масаласи ҳам муҳокама қилинмоқда.
Бундан ташқари, Саудия Арабистони спорт вазири шаҳзода Абдулазиз бин Турки ал-Файсал агар ФИФА ва ОФК рухсат берса, РФИнинг ОФК шафелигига ўтишида ҳеч қандай муаммо бўлмаслиги мумкинлиги, зеро бу қадам Осиёга фойда келтиришини таъкидлаган.
Айни вақтда «Фарғона»нинг РФидаги манбалари иттифоқнинг ОФК шафелигига ўтишига доир хабарни рад этишди.
Таъкидлаш жоиз, ўтган йил кузида Россия терма жамоалари ва Россия Федерациясининг айрим клублари Марказий Осиё республикалари терма жамоалари ва клублари билан илк бор ўртоқлик учрашувлари ўтказган эди. Демак, Ўзбекистон Суперлигасининг деярли барча клублари 2022/2023 йилги мавсум оралиғида Россия жамоалари билан ўйнади. Шу билан бирга, Ўзбекистон жамоалари Украина клублари билан ҳам ўртоқлик учрашувлари ўтказишади.
Биринчи марта РФИнинг ОФК шафелигида ўтишни режалаштираётгани ҳақидаги маълумот ўтган йил декабрь ойида, Европа футбол иттифоқидан (УEФА) чиқиш имконияти кўриб чиқилаётган пайтда пайдо бўлганди. Бироқ, бу қарор ҳеч қачон қабул қилинмаган ва кейинчалик маълум бўлишича, РФИ УEФАга аъзолик учун йиллик тўловни ОФКга ўтиш бўйича якуний йиғилишгача ҳам тўлаган.
Украина ҳудудида Россия ҳукумати томонидан МҲО бошланганидан кейин Россия Федерацияси ва Россия клублари терма жамоалари, шунингдек, Россиянинг барча бошқа жамоалари ва Россияни ҳимоя қиладиган спортчиларнинг аксарияти барча спорт турлари бўйича халқаро мусобақалардан четлатилди.
