Қурбон Бердиев. dinamo-mx.ru сайти фотосурати
Асли туркманистонлик мутахассис Қурбон Бердиев Россия чемпионатининг иккинчи дивизиони – ФМЛда тўп сураётган «Динамо-Маҳачқалъа» футбол клубига бош мураббий этиб тайинланди.
Бердиев жамоани ПФЛдан ФМЛга олиб чиққан сербиялик мураббий Горан Алекшич ўрнига келди
Қурбон Бердиевнинг сўзларига кўра, клуб олдида олий лигага чиқиш вазифаси турибди, шу билан бирга, мутахассис ҳозирда жамоаси келаси мавсумда қайси лигада ўйнашини билмаслигига аниқлик киритди. Бердиев охирги марта Россия чемпионати иккинчи дивизионида 2002 йили «Рубин»да ишлаган. Ўшанда у клубнинг синфда кўтарилишга муваффақ бўлганди.
Эслатиб ўтамиз, Қирғизистон терма жамоаси футболчиси Эрбол Отабоев Махачқалъанинг «Динамо»сида тўп сурмоқда, унинг ҳамюрти Христиан Браузман билан ҳам шартнома имзоланиши мумкин.
Қурбон Бердиев асли ашхободлик. Футболчи сифатида Ашхободнинг «Колхозчи»си ва Олма-Отанинг «Қайрат» жамоаларида энг муваффақиятли ўйнаган. 90-йиллари у икки марта Олма-Ота клубини бошқарган, Қозоғистон чемпионлигини қўлга киритган. Туркманистон терма жамоаси билан ишлаган. 2004 йилдан 2017 йилгача тўрт йиллик танаффус билан Қозоннинг «Рубин» клуби вице-президенти лавозимида ишлаган. Шунингдек, у «Рубин»ни бошқарган ва уни икки марта Россия чемпионатига олиб чиққан, бир марта кубок ва икки марта мамлакат Суперкубогини қўлга киритган. Бердиев бошчилигида илк бор «Ростов» Россия чемпионатининг кумуш медалини қўлга киритган ва Чемпионлар лигасининг гуруҳ босқичига йўл олган.
У 2021 йили «Қайрат»га Кузатув кенгаши раиси маслаҳатчиси сифатида қайтган, кейин эса жамоанинг асосий таркибини бошқарган. Унинг қўл остида «Қайрат» мамлакат кубогини қўлга киритди ва илк бор еврокубокларнинг гуруҳ босқичига йўл олди. Унинг қўл остида олмаоталиклар Қозоғистон чемпионатининг бронза медалини қўлга киритишди. 2022 йилнинг июнь ойида Олма-Ата клубини тарк этгач, у Эроннинг «Терактор Сази» клубини бошқарган ва у билан олти ойдан кам вақт ишлаган. 2022 йили декабрида «Сочи» ФК бош мураббийси этиб тайинланган, лекин шу йил апрель ойида мураббий билан тузилган шартнома бекор қилинди.
«Динамо-Махачқалъа» клуби 1927 йили ташкил топган, аммо 2007 йилда клуб лицензиясидан маҳрум бўлган. У 2021 йилда қайта тикланади ва кейинги йили жамоа ФМЛга киришга муваффақ бўлади, у ерда ўтган мавсум натижаларига кўра Махачқалъа жамоаси саккизинчи ўринни эгаллаган.
