zona-komforta.com сайти фотосурати
Туркманистон ҳукумати қонунчиликка мамлакатда ажрашиш тартибини мураккаблаштирувчи ўзгартиришларни киритди. Масалан, эндиликда бундай ишлар судда фақат эр-хотиннинг шахсан иштирокида кўриб чиқилади, дея хабар беради «Хроника Туркменистана» нашри давлат ОАВларига таяниб.
Нашр маълумотларига кўра, регламентга тегишли ўзгартиришлар киритиш тўғрисидаги маълумотлар Республика Вазирлар Маҳкамасининг «Нейтральный Туркменистан» газетасида 11 апрелда эълон қилинган, ўзгартиришларнинг ўзи эса 30 март куни қабул қилинган.
Оила кодексидан «эр-хотинлардан бирининг йўқлиги», шу жумладан судга келмаслик ёки яшаш жойи номаълумлиги ажралиш сабаблари рўйхатидан олиб ташланган. Шундай қилиб, агар инсон бедарак йўқолган деб ҳисобланса ҳам, унинг сиртдан ажрашиш имконияти истисно қилинади.
Фуқаролик процессуал кодексининг янгиланган таҳририга кўра, судлар никоҳни бекор қилиш тўғрисидаги ишларни фақат иккала томон иштирокида кўриш ҳуқуқига эга. Тўғри, бу ерда истисно мавжуд: агар унинг иштирокчиларидан бири чет элда бўлса, жараён амалга ошади.
Ўзгаришлар ўзаро розилик асосида ажралишлар тартибига ҳам таъсир кўрсатди. Агар илгари қўшимча ҳолатларни ҳисобга олган ҳолда, ажрашаётганларга қарорни ўйлаб кўриш учун кўпи билан олти ой муддат берилган бўлса, энди стандарт уч ойдан сўнг суд ярашув учун ажратилган муддатни яна олти ойга узайтириши мумкин.
Бундан ташқари, даъвода «эр-хотиннинг биргаликда яшаши ва оилани сақлаб қолиш имкониятини истисно этувчи никоҳ бузилишига сабаб бўлган омиллар ва ҳолатлар» кўрсатилиши керак. Бундан ташқари, ёзма далиллардан ташқари, оғзаки тушунтиришлар ҳам талаб қилинади.
Судя, шунингдек, суд жараёни бошланишидан олдин, эр ва хотин билан суҳбат қуриши, уларнинг турмуш шароити, муносабатларини ўрганиши, болаларнинг манфаатларини ҳисобга олиши керак бўлади. Агар керак бўлса, жамоатчилик вакиллари ушбу процедурага жалб қилиниши мумкин.
Мамлакат ҳукумати бундан аввал ҳам фуқаролар учун ажрашиш тартибини мураккаблаштиришга уринган. Шундай қилиб, ўтган йил апрель ойида Туркманистон Адлия вазирлиги тегишли ҳужжатларни фақат ватанда тайёрлашни таклиф қилган эди. Шу билан бирга, мутасаддиларнинг ташаббусига кўра, хорижда амалга оширилган ватандошлар ўртасидаги никоҳнинг бекор қилиниши ноқонуний деб тан олиниши лозим бўлган.
