«Ҳумо» ўйинчилари. «ҲҒумо» матбуот хизмати фотосурати
«Ҳумо» хоккей клуби Белорусь, Қозоғистон, Россия ва Ўзбекистон жамоалари иштирокида Тошкентда ўтказилган «Евро-Осиё дўстлик кубоги» халқаро турнирида ғолиб бўлди.
«Ҳумо» учта ғалабага эришиб, гуруҳда биринчи ўринни эгаллади. Биринчи турда тошкентлик хоккейчилар Туланинг АКМ клубини 3: 1 ҳисобида мағлубиятга учратди, иккинчи ўйинда белорусларнинг «Брест» жамоасини 7:2 га енгди, охирги ўйинда Кокшетаунинг «Арлани» 5: 3 ҳисобида мағлуб бўлди.
Якуний ҳисоб қуйидагича: «Ҳумо»да — 6 очко, АКМда — 4 очко, «Брест» — 2 очко, «Арлан» — 0 очко мавжуд.
Танловда ғалаба қозонган «Ҳумо» 2025 йил 4 ва 5 январь кунлари бўлиб ўтадиган турнирнинг асосий босқичида чиқиш имконини қўлга киритди. Унда ВХЛ чемпиони, «Нефтяник» ва Белорусь чемпиони «Металлург-Жлобин» ҳамда АКМ иштирок этади.
Таъкидлаш жоиз, 22 августдан 31 августгача Қозоғистон кубоги бўлиб ўтади, унда «Ҳумо» иштирок этади.
«Евро-Осиё дўстлик кубоги» иккинчи бор ўтказилмоқда. Ўтган йили мусобақалар Белорусда бўлиб ўтганди. Унда «Неман» (Гродно), «Сокол» (Красноярск), «Номад» (Остона) ва «Ҳумо» қатнашган эди. Улар сафига Жлобиннинг «Металлург» пировардида турнир ғолиби бўлган Воскресенскийнинг «Химик» жамоалари қўшилганди.
