Усмон Тошев (марказда). Афғонистон футбол федерацияси матбуот хизмати фотосурати
Афғонистон миллий терма жамоаси 16 ноябрь куни Душанбе шаҳрида Непал терма жамоасига қарши ўртоқлик учрашуви ўтказади. Бу Афғонистон терма жамоасининг англиялик мутахассис Эшли Вествуд ўрнига бош мураббийлик қилган ўзбекистонлик Усмон Тошев бошчилигидаги илк учрашуви бўлади. Кейинчалик англиялик Афғонистон футбол федерацияси томонидан маош тўланмаётганидан шикоят қилган.
Бундан ташқари, 19 ноябрь куни афғонлар бундан олдин Усмон Тошев мураббийлик қилган Тожикистон терма жамоасига қарши ўйин ўтказади. Бунгача 13 ноябрь куни Тожикистон терма жамоаси Непал терма жамоаси билан учрашади.
ℹ️ Тожикистон ва Афғонистон терма жамоалари жаҳон чемпионатининг учинчи саралаш босқичига чиқа олмагани боис, бу жамоалар фақат кейинги йил — 2025 йилги Осиё Кубоги саралаш босқичида расмий учрашувларни ўтказишади. Қирғизистон ва Ўзбекистон терма жамоалари жаҳон чемпионатининг учинчи саралаш босқичига йўл олди ва 14 ноябрь куни мос равишда БАА ва Қатар терма жамоаларига қарши баҳс олиб боради. Қозоғистон терма жамоаси Миллатлар лигаси доирасида Австрияга қарши ўйин ўтказади
