Келишувни имзолаш маросими. Ҳилола Умарова Telegram-канали фотосурати
Ислом тараққиёт банки (ИТБ) Ўзбекистон ҳукуматига 40 миллион доллар миқдорида грант ажратади ва бу маблағ таълим соҳасидаги лойиҳаларга йўналтирилади. Тегишли келишув Саудия Арабистонида бўлиб ўтаётган Human Capability Initiative 2025 форуми доирасида имзоланди, деб хабар беради Марказий Осиё Республикаси Мактабгача ва мактаб таълими вазири Ҳилола Умарова ўзининг Телеграм-каналида.
Вазирнинг сўзларига кўра, Ислом тараққиёт банки Президенти Муҳаммад ал-Жассар билан учрашувда ИТБ келажак авлод учун яхшироқ таълим имкониятлари яратишда Ўзбекистон ҳукуматининг ишончли ҳамкори бўлишдан мамнунлигини қайд этган.
Музокаралар якунида томонлар Таълим соҳасида глобал ҳамкорлик доирасида грант шартномасини ҳам тузганлар. Ушбу лойиҳанинг асосий йўналишлари қуйидагилардан иборат:
✅ Республика бўйича 58 та инклюзив мактаб қуриш;
✅ таълим муассасаларини замонавий жиҳозлар билан жиҳозлаш;
✅ ўқитувчилар малакасини ошириш бўйича дастурлар
✅ инклюзив таълимни ривожлантириш;
✅ ўқув дастурларини такомиллаштириш;
✅ мактабгача таълим сифатини ошириш.
Умарованинг таъкидлашича, Саудия Арабистони пойтахти Ар-Риёд шаҳрида бўлиб ўтаётган форум Саудия Арабистони валиаҳди, бош вазири Муҳаммад бин Салмон бин Абдулазиз Ол Сауд ҳомийлигида ўтказилмоқда. Бу ерда турли мамлакатлардан келган иштирокчилар таълим, иқтисодиёт, технология ва инновациялар соҳасидаги долзарб масалаларни муҳокама қиладилар.
Мактабгача ва мактаб таълими вазирлиги раҳбарининг сўзларига кўра, Ўзбекистон Марказий Осиё давлатлари орасида мазкур нуфузли тадбирга таклиф этилган ягона давлат бўлган.
