Озарбайжон ва Ўзбекистон футбол федерациялари вакиллари. ufa.uz сайти фотосурати
Ўзбекистон ва Озарбайжон ФИФАга 2027 йилги U-20 жаҳон чемпионатини биргаликда ўтказиш учун ариза тақдим этди. Бу ҳақда Ўзбекистон футбол ассоциацияси (ЎФА) матбуот хизмати хабар берди.
«Сўнгги йилларда туркийзабон мамлакатларда футбол соҳасида амалга оширилаётган ислоҳотлар, яратилаётган шароитлар ҳамда халқаро майдондаги нуфуздан келиб чиққан ҳолда, Ўзбекистон ва Озарбайжон футбол уюшмалари ёшлар ўртасидаги Жаҳон чемпионати мезбонлигини юқори савияда ўтказишга ишонч билдирган ҳолда ўз қўшма номзодини илгари сурди», — гдейилади хабарда.
Ўзбекистон стадионлари халқаро стандартлар даражасига кўтарилгани, мамлакат U-20 ва U-23 Осиё кубоги, шунингдек, футзал бўйича жаҳон чемпионатини ўтказиш бўйича катта тажрибага эга экани таъкидланган.
Футбол мутахассиси Алишер Никимбаев ўзининг «Футболиум» телеграм-каналида 20 ёшли ўсмирлар ўртасидаги жаҳон чемпионати ҳеч қачон икки давлатда бир вақтнинг ўзида ўтказилмаганини, аммо бу келажакда ҳам шундай бўлади, дегани эмаслигини ёзади. 1/8 финал ўйинлари тақвимини олдиндан тузиб бўлмаслиги ҳисобга олинса, 24 та жамоа иштирокида икки мамлакатда турнир ўтказиш осон иш эмас, аммо «қийин» «мумкин эмас» дегани эмас. Бир мамлакат учун тўртта, иккинчиси эса иккита гуруҳни қабул қилиш имконияти мавжуд. Қолаверса, Озарбайжон Италия билан бирга ЕВРО-2020 гуруҳларидан бирига мезбонлик қилган ва бу эса масофа жиҳатидан Ўзбекистондан анча узоқда.
«Икки давлатнинг ёшлар ўртасидаги Жаҳон чемпионатига қўшма аризаси ФИФА учун шунчаки янгилик эмас, балки охирги икки турнирнинг деярли акси: Аргентина 2023 йили, жорий йил сентябрь ойида Чили тўртта стадион билан кифояланади. Шуни ҳисобга олсак, авваллари (1997 йилдан бошлаб, жаҳон чемпионатида 24 та жамоа ўйнай бошлаганида), ФИФА олтитадан кам бўлмаган стадионларни талаб қилган. Тўртта турнида еттита стадиондан фойланилган, 1999 йили Нигерияда, 2011 йили эса Колумбияда 8 тадан бўлган, шунинг учун агар ФИФА Озарбайжон ва Ўзбекистонга турнирни топширса, икки мамлакатда олтидан ортиқ аренадан фойдаланишга тўғри келади. Аммо мен Ўзбекистон бу жаҳон чемпионатини мустақил ўтказа олиши мумкин, деган фикримда қоламан, лекин қарор қабул қилинган бўлса, демак бу кимгадир керак», — деб ёзади Никимбаев.
