Тошкент дунёда Янги йилга қизғин ҳозирлик кўраётган шаҳарлардан биридир. Байрам арафасида Ўзбекистон пойтахти ҳокимияти 25 декабрдан 10 январга қадар Янги йил арчалари ўрнатиладиган ва байрам дастурлари билан оммавий тантаналар бўлиб ўтадиган шаҳарнинг 20 та машҳур жойларини маълум қилди. Лекин Янги йилни кутиб ўтириш шарт эмас, балки ҳозироқ дам олишни бошлаш мумкин. Бундан ташқари, Янги йил ўйин-кулгилари ўтадиган одатий жойлар ҳар йили янгилари билан тўлдирилади.
Миллий боғдаги янги муз майдончаси. Андрей Кудряшов фотосурати/«Ферғона»
17 декабрь, якшанба куни Алишер Навоий номидаги Миллий боғда Янги йил конкида учиш муз майдончаси тантанали равишда очилди. Бу Ўзбекистондаги энг йирик очиқ конки майдончаси бўлиб, унинг майдони 1100 квадрат метрни ташкил этади, бир вақтнинг ўзида 200 кишини сиғдира олади.
Миллий боғдаги янги муз майдончаси. Андрей Кудряшов фотосурати/«Ферғона»
Уни «конкида учиш муз майдончаси» деб аташ унчалик тўғри бўлмайди. Майдон қопламаси ишқаланиш коэффициенти паст бўлган синтетик материалдан — юқори молекуляр оғирликдаги полиэтилендан тайёрланган. Сўнгги ўн йил ичида кўплаб мамлакатларда бундай конкида учиш майдончалари оммавий конкида учиш, керлинг мусобақалари, ҳаваскор хоккей ва ҳатто NHL машғулотларини ўтказиш учун ишлатилмоқда. Синтетик муз конкида оддий музга иложи борича яқин сирпаниш имконини беради. Майдончани иш ҳолатида сақлаш учун фойдаланиш харажатлари анча паст. Уни совутиш учун энергия сарфлашнинг ҳожати йўқ, бу иқлими иссиқ мамлакатлар учун айниқса муҳимдир.
Миллий боғдаги янги муз майдончаси. Андрей Кудряшов фотосурати/«Ферғона»
17 декабрь куни Тошкент шаҳрида ҳаво ҳарорати кундузи +6-+8 даражагача кўтарилди. Ўзбекистонда ўтган ҳафта давомида сақланиб турган аномал совуқ пасайди. Совуқ -17 даражага етганида, Миллий боғнинг кўллари муз қобиғи билан қопланди. Аммо ҳаво исиши билан муз тезда эриб кетди ва қайиқлар яна маусумий курткаларга бурканган дам олувчиларни кўл бўйлаб сайр қилдира бошлади.
Дастлаб кўлда қайиқда сузиш мумкин, сўнгра қайиқ станциясининг рўпарасида, қирғоқда жойлашган муз майдончасида конки учиш мумкин ёки бунинг аксини қилиш мумкин.
-
Миллий боғ кўлида. Андрей Кудряшов фотосурати/ «Фарғона»
-
Миллий боғ кўлида. Андрей Кудряшов фотосурати/ «Фарғона»
Миллий боғдаги конкида учиш майдончаси ўз конкисидан фойдаланадиганлар учун мутлақо бепул. Аммо Тошкентда қишки таътилнинг бу тури эндигина оммалаша бошлади. Шу боис барчага ижарага конки таклиф қилинади: болалар учун соатига 50 минг сўм (4 доллар), катталар учун 80 минг сўм (6,4 доллар). Болалар ва биринчи марта конкида учаётган одамлар учун бепул пингвин шаклидаги ёрдамчи стендлар мавжуд.
Майдончадаги киоск. Андрей Кудряшов фотосурати /«Фарғона»
Конкида учиш майдончаси атрофида Янги йил киосклари ва кўча кафелари ташкил этилган, DJ лар чиқиш қилиб, мусобақалар ўтказилди. Бу ерда, кўл бўйида арча ўрнатишди. Лекин кичикроқ арча.
Майдончадаги арча. Андрей Кудряшов фотосурати /«Фергана»
Улкан Янги йил арчасини кўриш учун қирғоқ бўйлаб 100 метр масофани босиб, Magic City боғига ўтиш лозим. У кўнгилочар агломерацияни ташкил этган ҳолда Миллий боққа туташ жойлашган.
-
1. Сурат олишга қулай арка. Андрей Кудряшов фотосурати / «Фарғона»
-
Magic City соҳилбўйи. Андрей Кудряшов фотосурати / «Фарғона»
-
Magic Cityдаги улкан арча. Андрей Кудряшов фотосурати / «Фарғона»
Синоптикларнинг маълумотларига кўра, Тошкент шаҳрида 2023 йил 31 декабргача ва 2024 йилнинг дастлабки кунларида нолдан юқори ҳарорат сақланиб қолади. Кун давомида ҳаво ҳатто +16 даражагача исиши мумкин. Бу Ўзбекистон учун нормал ҳолат. Бу ердагилар совуқни ёқтиришмайди, гарчи одамлар Янги йилни узоқ ва қувноқ нишонласаларда.
